Meir jubel for Ruben og Kim på Grefsen stadion søndag?

Seniorlaga sine kampar denne veka:

Laurdag 11. september kl. 14:00: Eikefjord – Førde 2, 4. divisjon.

Søndag 12. september kl. 15:00: Hafslo – Førde 3, 5. divisjon avd. 1.

Søndag 12. september kl. 16:00: Loddefjord – Førde, 2. divisjon avd. 4 damer.

Søndag 12. september kl. 17:00: Kjelsås – Førde, Fair-Playligaen avd. 1.

Men fortvil ikkje, som det framgår av lenka under er det mange heimekampar for våre aldersfastlagde lag også denne veka:

http://www.fordehuset.no/Filnedlasting.aspx?MId1=790&FilId=356&back=1&MId2=805&MId3=817

Som ein del av sitt trafikksikkerheitsarbeid held Fotballkrinsen glattkøyringskurs på NAF sin øvingsbane i Stardalen onsdag 13. oktober kl. 16:30-21:00. Kurset er i samarbeid med FTU, Statens Vegvesen og Trygg Trafikk. Info om kurset og om påmelding i lenka under.

 Invitasjo..

Vegard Savland imponerte stort med 5 skåringar i heimedebuten for Førde 2!

Førde 2 – Skavøypoll 8-0 (3-0)

4. divisjon 17. runde, Førde stadion

50 tilskodarar

Dommar: Kaj Inge Fløde, Stadlandet

Mål:

1-0 (14): Vegard Savland knallar inn frå kort hald eit innlegg på bakre stolpe.

2-0 (20): Vegard heddar inn på bakerste stolpe etter innlegg.

Vegard set inn 2-0.

3-0 (25): Thor-Jørgen Spurkeland med ein flott soloprestasjon, kjem inn på venstresida av 16-meteren og skyt via keeper og i mål.

4-0 (47): Kristian Langedal skårer med eit overlegg mot bakre stolpe. Steinar Tenden er  oppe og forstyrrar keeper, men er ikkje borti ballen.

5-0 (49): Tobias Evebø breisidar ballen på eit innlegg, men om det var kårner eller frå ope spel såg vi ikkje.

6-0 (52): Vegard Savland utnyttar ei forsvarstabbe.

7-0 (65): Vegard set ballen i mål på ein keeperretur.

8-0 (85): Vegard tok seg av nedfallsfrukta frå Frode Fjørstad, drar av ein forsvarar og skyt i mål frå omlag åtte meter. Ekte hat-trick!

Førde 2: Fredrik Hanssen (Jan Erik Vie 85); Tobias Evebø, Martin Dvergsdal (Roger Øye Pollen 80), Kristian Langedal (Tobias Holsen Oppedal 65), Benjamin Hellebø, Torstein Frøholm, Øyvind Bolstad Blikra, Thor-Jørgen Spurkeland (Steinar Tenden 46), Frode Fjørstad, Øystein Stafsnes Bøyum (Ørjan Vikum 65), Vegard Savland.

Skavøypoll: Einar Barmen; Jostein Sandøy (Gult kort), André Høydal, Håvard Hagen, Nikolai Heggedal, Arild Grønnevik Sandal (Josef Munji 40), Tor Inge Solibakke (bytta ut 77), Håvard Tennebø, Vegard Rangsæter, Kristoffer Djuvik, Shanjeevan Mohanarajah.

Denne skåringa av Benjamin Hellebø vart annulert for angrep på keeper.

Førde 2 tok tak i kampen frå første sekund, og produserte sjansar på løpande band. Det var berre eit spørsmål om tid før første skåringa kom og etter at Vegard sette inn 1-0 såg ikkje laget seg tilbake. Vegard auka til 2-0 før “Spurk” slo til med ein flott soloprestasjon der han først gjekk med ballen frå midten ut mot venstre, før han skar inn og skaut via keeper og i nettet.

Laget slappa litt av etter 3-0 utan å gje frå seg kontrollen i kampen. Og med tre mål på dei første sju minutta av 2. omgang tok dei ifrå Skavøypoll alt håp om poeng. Kristian si skåring var nok meint som eit overlegg, men tel like mykje. Og moro at Tobias Evebø fikk seg ei skåring til 5-0 i debuten i kvitt og svart.

Etter det var det duka for nytt Savland-show. Spissen slo til med ekte hat-trick og synte fortreffelege avsluttareigenskaper. Her har trenar Trond Olsen gjort eit kupp med å signere Vegard, som har smått utrulege åtte mål på dei tre kampane han har spelt for 2. laget etter overgangen frå Tambarskjelvar og 6. divisjon. Alle som såg kampen måtte la seg imponere av Vegard, men det var og fleire som synte seg positivt fram.

Frode Fjørstad gjorde manns jobb som Vegard sin makker på topp og gjorde ein del av grovarbeidet for fem-målsskåraren. Torstein Frøholm regjerte på høgrekanten, spesielt i 1. omgang, og la fleire lekre innlegg. Bakerst hadde forsvaret full kontroll, sjølv om gjestane var farleg nære skåring etter eit par fine angrep omlag ti min. før slutt. Og Skavøypoll skal ha kreditt for at dei heile tida prøvde å spele fotball, og for at dei angreip heilhjerta når dei først fikk sjansen.

Igjen drivande godt kantspel av Torstein Frøholm.

Det skal og nemnast at Førde 2 fikk annulert to skåringar, eitt for offside og eitt for angrep på keeper.

Resultat ellers denne runden: Syril – Saga 2-6 (onsdag), Gaular – Askvoll/Holmedal 2-3 og Lærdal – Kaupanger 0-4 (fredag) samt Selje – Eikefjord 3-0 og Veitastrond – Årdal 2 6-3 i dag.

Dette betyr at Førde 2 no er oppe på 5. plass etter 10 poeng på dei siste fire kampane. 6. plassen er siste sikre plass til neste års 4. divisjon og 7. plassen gjer ståplass hvis A-laget vårt held plassen i Fair-Playligaen og vinnaren av Firdaligaen vinn kvaliken og rykkjer opp. Det er og verdt å merke seg at 2. laget vårt er det nest-mestskårande heimelaget i 4. divisjon!

Neste kamp for 2. laget er borte mot Eikefjord no laurdag 11. september kl. 14:00.

Tabell, frå fotball.no:

Hardttaklande midtstoppar Kristian Langedal er tilbake i Førde 2-troppen mot Skavøypoll søndag.

Andrelaget er inne i ein god trend for tida, med uavgjort mot serieleiar Saga, årsbeste og tre poeng borte mot Årdal 2 og seier mot Askvoll/Holmedal i dei tre siste kampane. Skavøypoll på si side kjem frå ein knipen 4-3 siger heime mot nedrykkstruga Selje i siste kamp, og veka før tapte dei heile 9-3 borte mot Årdal 2.

På tabellen er Førde 2 for øyeblikket nummer 7, med sine 24 poeng. Og dersom Veitastrond ikkje tar meir enn 1 poeng mot Årdal 2 i  morgon, vil Førde 2-siger mot Polljen bringe oss opp på 4. plass. Det er rundt der vi bør liggje, om vi skal vere sikre på 4. divisjonsspel også i 2011. I dag blei det også klart at Firdaliga-laga Høyang og Sandane definitivt spelar i 4. divisjon neste år.

Når det gjeld troppen for i morgon vil det truleg bli gjort ein del endringar på laget som slo AHIL med sterke 6-4 forrige helg, mellom anna er hardtkjempande midtstoppar Kristian Langedal tilbake etter å ha sona karantene sist. Sidan det er heimekamp kan også profilar frå A-laget dukke opp på stadion, dei mest aktuelle er då truleg spelarar som Christer Husa, Ole Henrik Gulliksen og Are Gunnar Korsvoll. I tillegg spelar etter alt å dømme Øyvind Blikra og Øystein Stafsnes Bøyum.

Frå gutt elite har spelarar som Torstein Frøholm og Tobias Oppedal for alvor etablert seg på Førde 2 denne sesongen, medan Roger Øye Pollen og Ørjan Vikum spelte godt då dei fekk sjansen mot AHIL sist veke. Ein spelar som garantert er i troppen i morgon, er lynraske Vegard Savland, som har scora tre mål på to kampar sidan overgangen frå Tambarskjelvar i sommar.

Avspark er søndag klokka 15.00 på Førde stadion, og kampen går i følgje yr.no i strålande sol og 16 varmegrader. Så vel møtt alle sammen!

Ruben takkar publikum saman med Terje Sørbø. Foto: Stig Roger Eide, Firda.

Førde – Nest-Sotra 4-1 (2-0)

Fair-Playligaen avd. 1, 18. runde

Førde stadion, 470 tilskodarar

Mål:

1-0 (14): Ruben Holsæter tek med seg ballen innover og skyt knallhardt i lengste hjørne frå hjørnet av 16-meteren. Vakkert er berre fornamnet!

2-0 (24): Thor Erik Nygård tåar ballen i mål etter at gjestane ikkje får avklart ein kårner frå Kim Tangedal.

3-0 (57): Ruben dreg til frå 20 meter, rett i mål!

3-1 (60): Kim Rune Hellesund. Den heimvendte son gjer ingen feil aleine med keeper når han blir spelt igjennom.

4-1 (72): Ruben fullførar hattricket når han vippar ballen elegant over keeper etter å ha tatt i mot eit langt framspel frå Thor Erik.

Førde: Vegard Skjeldestad; Kim Tangedal, Elmar Dan Sigthorsson, Øystein Vetti (Thor-Jørgen Spurkeland 46), Marius Solberg (Eirik Flatjord 46), Terje Sørbø, Gisle Isene, Eirik Fraas, Ruben Holsæter (Bernt Norevik 69), Thor Erik Nygård (Gult kort 60).

Nest-Sotra: Kristian Solheim; Ørjan Torsnes (Kim-Rune Hellesund 33), Robin Øvrevik, Rune Hetlevik, Ronny Eide, Vegard Knudsen, Johnny Furdal, Max Bjørsvik (Sten-Erik Vindenes Strømsnes 36), Asgeir Aarseth, Simen Næss (Kristoffer Snekkevik 70), Finn Alvestad.

Det har handla mykje om Ruben Holsæter den siste veka. Sogndal la inn eit bod, men forhandlingane mellom klubbane braut saman sist måndag, litt over eitt døgn før overgangsvinduet stengde. Ruben ga dessuten uttrykk for eit ynskje om å bli i Førde og hjelpe klubben til ny kontrakt i Fair-Playligaen.

Og i dag synte Ruben mykje av det som har gjort at supporterar, medspelarar og trenarar har blitt så glad i han. Tre flotte skåringar der spesielt den første var heilt rå og ein sterk kandidat til årets mål på Førde stadion. Det kokte både på bana og på tribunen då han avanserte med ballen, skaut i steget og tredde ballen vakkert i motsett hjørne frå hjørnet av 16-meteren. Rett ut sagt ein fantastisk prestasjon!

Etter 24 min. er Ruben på farten att, men denne gongen blir skotet redda på streken av Ronny Eide. Men på den påfølgjande kårneren er det ikkje bøn når Thor-Erik får ballen i mål til 2-0.  Sjølv om gjestane ikkje er heilt ufarlege er det tydeleg at laget vårt har god kontroll. Nest-Sotra gjer difor to bytter i 1. omgang for å snu utviklinga i kampen, den eine rett nok grunna skade, men klarer det ikkje. Største sjansen får dei på overtid når Finn Alvestad sitt skot treff stolpen.

Ny solid kamp av kaptein Gisle Isene! Foto: Stig Roger Eide, Firda.

Nest-Sotra opnar og 2. omgangen aggressivt og får sitt 2. stolpetreff ved Simen Næss etter 50 min. Men når Ruben klinkar til i det 57. min. fyk ballen i nettet og det står 3-0 og det meste synest avgjort. Kim-Rune Hellesund vil det annleis, for i sitt comeback for moderklubben gjer han dei nytt håp når han tre min. seinare skårer aleine med keeper Vegard Skjeldestad.

Hellesund er på farten att fire min. seinare men no stryk skotet stolpen. Gjestane jaktar  ny redusering og har eit trøkk i kampen ein periode. Men våre gutar slår attende og Ruben punkterar det heile når han elegant vippar over keeper etter 71 min.

Fleire store sjansar blir det ikkje og kampen ebbar ut med vår til no største siger for sesongen. Ruben skal sjølvsagt ha mange godord for sine flotte skåringar og fantastiske spel. Han er i flytsona fortel ass. trenar Lars Ove Nistad, ting går lett for han om dagen, både på trening og i kamp. Men som Lars Ove seier så bidreg alle 14 som spelte i dag til sigeren. Det var eit kollektiv som slo Nest-Sotra i dag.

Lars Ove skryt av spelarane som har respondert fantastisk på endringane som vart sett i verk etter Notoddentapet. Alle har vore lojale og dratt i same retning. Når det gjeld kampen i dag legg han spesielt vekt på den flotte 1. omgangen der fleire fine angrep vart rulla opp, og det kunne fint stått meir enn 2-0 til pause.

Ellers er Lars Ove glad over å sjå Marius Solberg i spel. “Han er ein leiartype som tilførar oss mykje både på og utanfor bana”. Han vart bytta i pausa som føre var då han hadde ein liten kjenning av den gamle skada si. “Han kunne ha spelt vidare om det var siste kamp og vi måtte vinne” seier Lars Ove. Øystein Vetti bytta og i pause som føre var i høve til lysken.

Om ei veke skal vi til det nest beste heimelaget i avd., Kjelsås. Med 7-3-0 på krøllgraset på Grefsen stadion blir dei ei tøff utfordring, men “vi reiser ned for å vinne!” avsluttar ein offensiv ass. trenar Lars Ove Nistad.

Anette (t.v.) og Linda Saltskår med kvar si skåring då Nymark vart slått 2-0!

Førde – Nymark 2-0 (1-0)

2. divisjon avd. 4 damer, 18. runde, Førde krøllgras

Mål:

1-0 (13): Linda Saltskår gjekk opp på eit frispark som vrat slått inn i boksen frå høgre og headda over keeper og i mål.

Linda på veg til å hedde Førde opp i leiing.

2-0 (61): Anette Saltskår dunka eit frispark inn i motsett hjørne frå omlag 20 meter.

Førde: Anja Amundsen; Maria Bratseth, Annie Bratseth, Anne-Guro Horstad, Anette Saltskår, Annelin Frøysland, Andrine Njøsen Helgås, Anna Kårstad Skaar, Inga Haaland, Camilla Stenseth, Linda Saltskår (start 11-ar), Siri Sættem, Mona Wiik, Eirin Hegrenes.

Nymark: Helene Barnung Aasved; Merethe Solberg, Malin Lilleskare, Marthe Agledal, Charlotte Gjerde, Bodil Opheim Dale, Camilla Paulsen, Marte Magnussen, Anneli Ødemark, Camilla Hovden, Karin Fjørtoft Kjerstad (start 11-ar), Christina Vekseth, May-Britt Damhagen, Helene Bakke, Lovise Leikvoll.

Dette vart ein kamp der Førde hadde god kontroll sjølv om det berre vart to mål. Solid forsvarsspel gjorde at Nymark kom til lite sjansar medan vi godt kunne ha vunne med fleire mål. Linda hadde ein stor sjanse då ho var igjennom på venstre etter fem min., men skotet kanma i nettveggen via keeper. åden påfølgjande kårneren sette ei Førdejente ballen like utanfor.

Etter 13 min. vart Anette felt ute på høgrekanten, ti meter inn på Nymark sin banehalvdel. Frisparket vart slått inn i boksen. Keeper kom ut, men med ryggen mot mål steig Linda opp og stussa ballen over Nymark sin sisteskanse og i mål. Etter halvtimen hadde Andrine Njøsen Helgås ein duppar som hamna like utanfor. Ti min. seinare gjekk Linda i duell med keeper, stussa ballen i tverrliggaren og ramla forkjært. Det såg ikkje godt ut, men etter å ha fått pausa på seg var ho klar til kamp att.

Andrine i ein duell.

Eit drygt kvarter ut i 2. omgang fikk Førde frispark på omlag 20-25 meter (litt vanskeleg å måle avstanda på langt hald!) litt til venstre for 16-meteren. Anette gjorde kort prosess og dunka ballen presist i lengste hjørne. Eit par store sjanser til vart produsert, men fleire skåringar vart det ikkje.

Sjølv om det “berre” vart 2-0 så var dette ein komfortabel siger som aldri var truga. Vi er oppe på 4. plass att, før Fana speler i morgon. I dagens andre kamp knuste Kaupanger SST med 10-0, mellom anna med hattrick frå Elise Vilnes Mjåseth.

Neste søndag er det bortekamp mot Loddefjord som står på programmet.

Tabell, frå fotball.no:

Andrine Njøsen Helgås i aksjon i sist hjemmekamp mot Klepp 2. I morgon er det Nymark som står for tur.

I vårkampen mot Nymark vann våre jenter 3-1 etter to mål av Linda Saltskår og eitt av Elise Vilnes Mjåseth, som no er attende i Kaupanger. Sjøl om Nymark gjekk på eit 0-2 tap for Fana sist onsdag ligg dei best an av laga som kjempar mot nedrykk med 19 poeng og høvesvis 6 og 7 poeng ned til 10. og 11. plassen. Difor vil dei nok gjerne vinne for at dei ikkje skal bekymre seg for mykje for nedrykk dei siste kampane av sesongen.

Våre damer er nede på 5.plass att etter Fana sin siger onsdag, og målet til trenar Geir Hoff og spelarane er å legge nettopp Fana bak seg og sikre 4. plassen. Då er det best med siger i morgon!

Avspark er altså kl. 13:00. Kjekt om damene, som har prestert så bra i comebacket i 2. divisjon får solid støtte frå tribunane!

I den andre hengekampen onsdag vann Avaldsnes 5-3 borte mot Hinna og er no i tet på betre målskilnad enn Kaupanger.

Dei andre kampane i runden er: Kaupanger – SST (laurdag) og Sandviken 2 – Hinna, Hordabø – Klepp 2, Avaldsnes – Fana og Loddefjord – Åsane søndag.

Tabell, frå fotball.no:

I Fair-playligaen tok vi eit verdifullt poeng borte mot Åsane sist, men sigrar til Os og Vålerenga 2 brakte dei to to poeng nærmare. Morgondagens gjester Nest-Sotra har noko overraskande stått fram som det beste laget frå Vestlandet i denne avd., og dei innehar ein råsterk 3. plass. Dei fikk rett nok kraftig bank av Notodden for snart to veker sidan med heile 1-9, men slo attende sist runde med ein fin 3-1 gevinst heime på Ågotnes mot Stord, noko vi sjølvsagt ikkje hadde noko imot.

Vi fikk skikkeleg stryk på Sotra i vår med 0-5, og spelarane er heilt sikkert sugne på å revansjere seg. To nye menn signerte før overgangsvinduet slamra igjen og det blir spennande å sjå kva Marius Solberg og Tobias Evebø vil ha å tilføre dei bakre rekker.

Nest-Sotra har og forsterka seg med ein Løv-Hamspelar denne veka, men det er den gamle kjenningen Kim Rune Hellesund som har signert for moderklubben for 3. gang. Etter at han slo igjennom spelte han i Tippeligaen med Bryne og Adeccoligaen med Sogndal før han returnerte til Nest. Etter halvannan sesong i Løv-Ham er han no altså attende, og 30-åringen er ein måljegar som forsvaret vårt må vare merksame på.

Avspark er kl. 16:00, men møt opp tre timar før for ein godbit av ein fotballdag!

2010-toppgruppe-sep-des-2010

Tobias Evebø i aksjon for Volda i cupkampen mot Aalesund tidlegare i år. Foro: Stig Høynes, haugenfotball.no

Både i den store fotballverdenen og her lokalt var det hektisk aktivitet før overgangsvinduet stengde tirsdag kveld. For vår del betydde det signering av to nye forsvarsspelarar, og det passar jo fint sidan Roger Kandal og Tor Are Dvergsdal har forlatt klubben.

Marius Solberg har god røynsle frå spel i Adeccoligaenn med Løv-Ham. Han har vore skada med jumpers knee, men har synt mykje bra på trening og kan vare aktuell for speletid allereie mot Nest-Sotra på laurdag. Tobias Evebø er ein 19-åring frå Volda og son av tidlegare Stryntrenar Dagmund Evebø.  Han har spelt fast på laget frå heimbygda i år, eit lag som ligg på 4. plass i 3. divisjon på Sunnmøre.

Vi ønskjer Marius og Tobias velkomne til Førde og lukke til med karriera i kvitt og svart!

Førde 1 - Sogndal 1 6-0

G 13/14, 1. divisjon haust

Førde stadion, krøllgras

Dommar: Leif Odde Farsund, Førde

Førde: Nikolai Eikås, Håvard Risnes Kjønås, Kent Aron Kjelsnes, Nikolai Njøsen Hilding, Svenn Ove Gjøringbø, Erlend Moen Taule, Sindre Sandøy, Bjøro Kalland, Brage Sandvoll, Kristoffer Hanssen, Kristian Ulleland, Magnus Mjåtveit, Håvard N Os, Sander Dvergsdal.

Dette resultatet gir denne tabellen:

Førde sitt beste smågutelag har følgjande kampar igjen denne hausten, og kanskje avgjerast serien og KM-tittelen ved at vi sler Eid heime på stadion ein mørk haustkveld i slutten av oktober. Men før den tid blir mellom anna bortekampen mot Florø sitt sterke lag 20. september ein nøkkelkamp!